 |
| மாங்கா வத்தல் குழம்பு |
புளி - கோலி குண்டு அளவு
சாம்பார் பொடி - 2 ஸ்பூன்
மஞ்சள் தூள் - சிறிது
வர மிளகாய், உளுத்தம் பருப்பு, கடுகு, பெருங்காயம், கருவேப்பிலை --தாளிக்க
உப்பு - 1/2 ஸ்பூன்
நல்லெண்ணெய் - தாளிக்க
அரிசி மாவு - 1/2 ஸ்பூன்
குறிப்பு: மாங்கா வத்தல் உப்பு போட்ட வத்தலாக இருந்தால், பாதி அளவு உப்பு போட்டால் போதும்.
மாங்கா வத்தல்களை நன்கு ஊற வைக்கவும். குறைந்தது ஒரு மணி நேரமாவது ஊற வேண்டும்.
புளியை ஊற வைக்கவும். மாங்கா வத்தலில் புளிப்பு சுவை இருப்பதால், புளி மிக மிக குறைவாகவே சேர்க்க வேண்டும்.
நன்கு கரைத்த புளி தண்ணீரை அடுப்பில் வைத்து, சூடேறியதும் 2 ஸ்பூன் சாம்பார் பொடி சேர்க்கவும்.
சிறிது மஞ்சள் தூள் சேர்க்கவும்.
உப்பு சேர்க்கவும்.
ஊறிய மாங்கா வத்தலில் இருந்து தண்ணீரை சுத்தமாக வடித்தபின் ,அவற்றையும், புளி கரைசலில் சேர்க்கவும்.
குழம்பு பொடி வாசனை போகும் வரை அடுப்பை சிம்மில் வைத்து, கொதிக்க விடவும்.
குழம்பு பொடி வாசனை மாறி, மாங்கா வத்தல் நன்கு வெந்ததும், அரிசி மாவை சிறிது நீரில் கரைத்து கொட்டி, நன்கு கிளறி, ஒரு கொதி வந்ததும் அடுப்பை அணைக்கவும்.
உளுத்தம் பருப்பு, கடுகு, வர மிளகாய் ஆகியவற்றை
தாளித்து ......
கருவேப்பிலை சேர்த்து, பொரிந்ததும்.....
குழம்பில் கொட்டி, கிளறி விட்டு இறக்கவும்.
 |
| மாங்கா வத்தல் குழம்பும் சுட்ட அப்பளமும் |
மாங்கா வத்தல் குழம்புக்கு தொட்டு சாப்பிட, சுட்ட அப்பளம் சூப்பராக இருக்கும். டாங்கர்மா பச்சடியும் நன்றாக இருக்கும்.
No comments:
Post a Comment