வெந்தய தோசையும் திடீர் மல்லி சட்னியும்

வெந்தய தோசை 

வெந்தய தோசை - தேவையான பொருள்கள் 

புழுங்கல் அரிசி  (பட்டை தீட்டாத அரிசி - Brown boiled rice)

உளுந்து 

வெந்தயம் 
உப்பு 

நல்லெண்ணெய்  -தோசை வார்க்க.

வெந்தய தோசை - எப்படி செய்வது?

புழுங்கல் அரிசி, உளுந்து இரண்டையும் ஒன்றாக ஊற வைக்கவும். வெந்தயத்தை தனியாக ஊற வைக்கவும். மூன்று மணி நேரம் ஊறிய பின், அரிசி, உளுந்து இவற்றை ஒன்றாக Grinderல் போட்டு அரைக்கவும். இரண்டும் ஓரளவு மசிந்த உடன், வெந்தயத்தையும் சேர்த்து அரைக்கவும். நைசாக அரைக்கவும். உப்பு சேர்த்து கலக்கவும். ஆறு மணி நேரம் கழித்து தோசை வார்க்கலாம்.

திடீர் மல்லி சட்னி 

திடீர் மல்லி  சட்னி 

கொத்தமல்லி தழை - ஒரு பெரிய கட்டு

பச்சை மிளகாய் - 1

பெருங்காயம் - சிறிது 

உப்பு - தேவைக்கு 

தயிர் - 2 கரண்டி 

கொத்தமல்லி இலைகளையும், துளிர் காம்பையும் ஆய்ந்து கொள்ளவும். 

மண் போக அலசவும். 

நீரை வடிய விட்டு, 

இலைகளை பிழிந்து எடுக்கவும். 

பச்சை மிளகாய் (சிறு துண்டுகளாக), 

பெருங்காயம், உப்பு சேர்த்து, மிக்சியில் 

அரைக்கவும். 

பின் தயிர் சேர்த்து, ஒரு சுற்று சுற்றி, நிறுத்தவும்.

திடீர் மல்லி சட்னி தயார்.

தீட்டப் படாத அரிசி, வெந்தயம், கொத்தமல்லி தழை இவை மூன்றுமே ஆரோக்கியத்திற்கு உகந்தது. இந்த தோசை மாவு மிகவும் கொழ கொழப்பாக இருக்கும். 

தீட்டாத அரிசி, வெந்தயம் இரண்டுமே சர்க்கரை வியாதி வராது தடுக்கும். உடல் எடை குறைக்க விரும்புவோருக்கு நல்லது. கொத்தமல்லி தழை ரத்த அழுத்தத்தை குறைக்கக் கூடியது.