 |
| வாழைக்காய் ஃப்ரை |
வாழைக்காய் வதக்கல் வகைகளில் ஒன்று வாழைக்காய் ஃப்ரை.
வாழைக்காயை தோல் சீவி, வில்லை, வில்லையாக நறுக்கவும்.
நறுக்கிய வாழை வில்லைகளை மூழ்கும் அளவு தண்ணீரில் போட்டு வேக வைக்கவும். வெந்தபின் தண்ணீரை நன்கு வடிக்கவும்.
ஒரு தட்டில் மிளகாய் பொடி, மஞ்சள் பொடி, உப்பு மூன்றையும் தண்ணீர் விட்டு நன்கு குழைத்துக் கொள்ளவும். வேக வைத்த வாழை வில்லைகளில் இந்த குழைத்த பொடியை நன்கு தடவவும்.
வாணலியில் சிறிது எண்ணெய் விட்டு, எண்ணெய் காய்ந்ததும் இந்த வாழைக்காய் வில்லைகளை போட்டு மொறு மொறுவென்று வரும் வரை பெரட்டி எடுக்கவும். வில்லைகளை திருப்பி போட்டு இதேபோல் செய்யவும்.
 |
| வாழைக்காய் ஃப்ரை
சூடான, சுவையான, மொறு மொறுப்பான வாழைக்காய் ஃப்ரை தயார். கார குழம்பு சாதம், ரச சாதம், மோர்குழம்பு சாதம், தயிர் சாதம் ஆகியவற்றுக்கு ஏற்றது வாழைக்காய் ஃப்ரை. தேங்காய் சாதம் போன்ற கலந்த சாதங்களுக்கு தொட்டு சாப்பிட வாழைக்காய் ஃப்ரை பொருத்தமானது. " நச் " சென்று காரமான சுவை விரும்புவோருக்கு ஏற்றது. வாழைக்காய் பயன்படுத்தி பலவிதமான சுவைகளில் சமைக்க முடியும். சமையலை ரசித்து செய்வோருக்கும், ருசித்து உண்போருக்கும் சரியான தேர்வு வாழைக்காய்.
|
No comments:
Post a Comment