சென்னை மார்கழி சங்கீத சீசன் - இன்றைய சாப்பாட்டுக் கச்சேரி

ஞானாம்பிகா அசோகா 

நான் வருடா வருடம் செல்லும் சபாக்களில் முக்கியமானது ஸ்ரீ தியாக பிரம்ம கான சபா-சென்னை தியாகராய நகர் வாணி மகாலில். இங்கே ஞானாம்பிகாவின் கேண்டீன் கச்சேரி. கச்சேரி ஆரம்பித்த இரண்டாம் நாளே (நேற்று) நான் அங்கே ஆஜர்.

ஞானாம்பிகா ஜெயராமன் அவர்களின் புதல்வர் ராஜன் நடத்தும் ஞானாம்பிகா இது. கொஞ்சம் காஸ்ட்லி. விலை பட்டியல் தந்துள்ளேன்.

ஞானாம்பிகா விலை பட்டியல் 

இதை விலைக்காக மட்டும் தரவில்லை. என்ன என்ன  variety தருகிறார்கள் என்றும் தெரிந்து கொள்ளலாம்.

அசோகா ஹல்வாவும், சுடச் சுட நெய் பொங்கலும் சாப்பிட்டேன். எப்போதுமே ஞானாம்பிகாவில் இனிப்பு வகைகள் மிக நன்றாக இருக்கும். அந்த வகையில் அசோகா A-one. காசி ஹல்வா நான் போனபோது தீர்ந்து விட்டது. நெய் பொங்கலும் ditto. விரல் இடுக்கில் நெய் வழிய தொன்னையில் இருந்து அள்ளி சாப்பிட்ட கோயில் பிரசாதம் நினைவுக்கு வந்தது.

அளவும் கோயில் ப்ரசாதம்தான்.

பூரி கிழங்கு சிறிது டேஸ்ட் பார்த்தேன். அவ்வளவு சுகமில்லை.

அப்புறம் கீரை வடை. அவசியம் சாப்பிட்டுப் பார்க்க வேண்டிய ஒன்று.

"ஞானாம்பிகா பில்டர் காபி ஓஹோ".

ஹோட்டல் போல டிபன் வகைகளில் variety அதிகம். தினசரி இரண்டு இனிப்புகள், வடை வகைகளில் ஒன்று (கீரை வடை, தவள வடை..........), தோசை வகைகள், பூரி, சப்பாத்தி, சேவை, வெரைட்டி ரைஸ், ரவா பொங்கல் .....இது தவிர அடை அவியல் அல்லது பெசரட்.

காலை 11 மணியிலிருந்து மதியம் 3 மணி வரை சாப்பாடு. அப்புறம் இரவு சபா கடைசி கச்சேரி முடிந்து அரை மணி நேரம் வரை டிபன். 

ஜனவரி 1, 2014 அன்று முஹூர்த்த சாப்பாடு போடப் போகிறார்களாம். ரூபாய் 200 மொய் கட்டாயம்.

ஞானாம்பிகா பொறுத்தவரை என்ன ஸ்வீட்டாக இருந்தாலும் தைரியமாக சாப்பிடலாம். சுவைக்கு நான் கரண்டி ...தப்பு தப்பு  காரண்டி. நெய் பொங்கல், கீரை வடை, சேவை - இது போன்று சில வகைகள் நன்றாக இருக்கும். 

 எனது முந்தைய வருட அனுபவங்களின் படி சாப்பாடு  சுமார்தான். சாப்பாட்டு ஹால் சுத்தமாக, அமைதியாக இருக்கும். நல்ல உபசரிப்பு. பரிமாறுபவர்களை கேட்டு அவர்கள் advice படி order செய்தால் நல்ல சாப்பாட்டு அனுபவம் உறுதி.

இன்று, மீண்டும் ஜெய ராகவேந்திரா ஒரு விசிட் அடித்தேன்.  வெஜ். வடை

ஜெய ராகவேந்திரா கேடரர்ஸ் வெஜ். வடை 

நன்றாக இருந்தது. இங்கே நான் நன்றாக இருந்தது என்று குறிப்பிட்டேன் என்றால், ஹோட்டல்களில் இல்லாத வீட்டுச் சுவை என்று அர்த்தம் செய்து கொள்ள வேண்டும்.

Sweet சாப்பிட ஒரு சபா, டிபன் சாப்பிட இன்னொரு சபா, திரும்ப காபிக்கு முதல் சபா. இப்படி சாப்பிட்டால் நன்றாக இருக்கும் என தோன்றுகிறது.

ஞானாம்பிகா கேண்டீன் -தியாக பிரம்ம கான சபா (வாணி மஹால்)