சங்கீதமும் சாப்பாடும்

கச்சேரி ஆரம்பமாகி விட்டது. சென்னையில் நடைபெறும் மார்கழி மாத சங்கீத கச்சேரி பற்றிதான் சொல்கிறேன். நமக்கு சங்கீதம் எவ்வளவு முக்கியமோ அவ்வளவு சாப்பாடும் முக்கியம். கர்நாடக சங்கீதம், பில்டர் காபி, சுண்டியிழுக்கும் சுவைமிகு உணவு - இவை மூன்றும் ஒன்றிலிருந்து மற்றொன்றை  பிரிக்க முடியாத அளவுக்கு பின்னி பிணைந்தவை.

மாறிவரும் இன்றைய வாழ்வியல் சூழலில், நமக்கு பிடித்த விஷயங்களில்  மூழ்கி போக, மார்கழி சங்கீத சீசன் ஒரு நல்ல வாய்ப்பை தருகிறது. மேலே சொன்ன சங்கீதம், பில்டர் காபி, சுவையான உணவு - இவற்றை ஒரே இடத்தில் அளித்து சேவை செய்கின்றன   நமது சென்னை சபாக்கள். 

நான் முடிந்த வரை எல்லா சபாக்களுக்கும் சென்று விடுவேன். பெரும்பாலான சபாக்களில் canteen செல்ல தனி வழி இருப்பது ஒரு சௌகர்யம். 

டிசம்பர் 15 லிருந்து 31 வரை  அனைத்து சபா canteen களும் இருக்கும். இது இந்த சீசனின் பொற்காலம். விதி விலக்காக சில சபாக்கள் முன்னதாகவே கச்சேரியை துவங்கி விடும். சில சபாக்களில் பொங்கல் வரை கச்சேரி நடக்கும்.

அனைத்து சபாக்களின் நிகழ்ச்சி நிரலும் மனதில் நிற்காத காரணத்தினால், சில சபா நிகழ்ச்சிகள் (Canteenகள் என வாசிக்கவும்) முடிவடைந்த அடுத்த நாள் போய் ஏமாந்து திரும்பியதுண்டு.

எனவே சங்கீத சீசன் canteen பிரியர்கள் வசதிக்காக சீசன் 2013 canteen நிகழ்ச்சி நிரல் இதோ.

Chennai Margazhi Season music festival 2013 Sabha Canteen Schedule:

1. பிரம்ம கான சபா (Brahma Gana Sabha)

இடம் - M.Ct.M. Chidambaram Chettiar Matriculation பள்ளி, லஸ் சர்ச் சாலை.

நாட்கள் - 03-12-2013 முதல் 31-12-2013 வரை.
நம்ம வீட்டு கல்யாணம் கேடரர்ஸ் 
கேண்டீன் மதியம் 2 மணியிலிருந்து மாலை 9 மணி வரை இயங்கும்.

2.சென்னை கல்சுரல் அகடமி (Chennai Cultural Academy)

இடம் - கர்நாடகா சங்கா பள்ளி, ஹபிபுல்லா சாலை, தி.நகர்.

நாட்கள் -05-12-2013 முதல் 10-01-2014 வரை.
ஸ்ரீ ஜெய ராகவேந்திரா கேடரர்ஸ்
(Sri  JayaRaghavendhra Caterers)
044 2223 4238, 2223 4891, 2223 0887 
98410 16323 
மதியம் 3.30 மணி முதல் இரவு 8.30 மணி வரை.
சனி, ஞாயிறு காலை 10.30 மணி முதல் இரவு 8.30 மணி வரை.
சனி, ஞாயிறுகளில் மட்டும் மதியம் கலந்த சாத வகைகள் உண்டு.

3.முத்ரா (Mudhra)

இடம் - ராமகிருஷ்ணா மிஷன் பள்ளி, 31, கிருஷ்ணா தெரு, தி.நகர்

நாட்கள் - 06-12-2013 முதல் 05-01-2014 வரை.
சேஷா கேடரர்ஸ், பம்மல்
(Sesha Caterers, Pammal) 
97103 61977, 99411 66838

4.மைலாப்பூர் பைன் ஆர்ட்ஸ் க்ளப் (Mylapore Fine Arts Club)

இடம்  - 45, முசிறி சுப்ரமணியன் சாலை, மைலாப்பூர்.

நாட்கள் -  08-12-2013 முதல் 17-01-2014 வரை.
பாஸ்கரன் மீனாம்பிகா கேடரர்ஸ் 
(Baskaran Meenambiga caterers)
9841031513
கேண்டீன் காலை 7 மணியிலிருந்து மாலை 9 மணி வரை இயங்கும்.
மதியம் சாப்பாடு உண்டு.

5. ஸ்ரீ தியாக பிரம்ம கான சபா 
(Sri Thyaga Brahma Gana Sabha)

இடம் - வாணி மஹால், தியாகராய நகர்.

நாட்கள் - 10-12-2013 முதல் 15-01-2014 வரை.
ஞானாம்பிகா கேடரர்ஸ் 
(Gnanambiga caterers, West Mambalam))
044 24743045
98400 32684, 98400 69067, 91766 60082.
காலை 10.30 மணி முதல் இரவு 9 மணி வரை.
காலை 10.30 மணி முதல் மதியம் 3 மணி வரை சாப்பாடு. மற்ற நேரங்களில் இனிப்பு, டிபன்  வகைகள் மட்டும். ஜனவரி 1, 2014 புத்தாண்டு தினத்தன்று மட்டும் முஹூர்த்த சாப்பாடு.
ஞானாம்பிகா N. ஜெயராம ஐயரின் புதல்வர் J.ராஜன் நடத்தும் ஞானாம்பிகா இது.

6. ஸ்ரீ கிருஷ்ண கான சபா (Sri Krishna Gana Sabha)

இடம் - 20, மகாராஜபுரம் சந்தானம் சாலை, தியாகராய நகர்.

நாட்கள் - 13-12-2013 முதல் 16-01-2014 வரை.
ஸ்ரீ கிருஷ்ணா ஸ்வீட்ஸ் (Rassa)

7. நாரத கான சபா (Narada Gana Sabha)

இடம் - T.T.K. சாலை 

நாட்கள் - 14-12-2013 முதல் 01-01-2014 வரை.

ஞானாம்பிகா 
(Gnanambiga , Valasaravakkam))

98400 50114, 98400 16493

044 2486 3171, 044 2486 2763

ஞானாம்பிகா N. ஜெயராம ஐயரின் புதல்வர்கள் J. ரமேஷ், J. விட்டல் ஆகிய இருவரும் நடத்தும் ஞானாம்பிகா இது.

8. ஸ்ரீ பார்த்தசாரதி ஸ்வாமி சபா
(Sri Parthasarathy Swami Sabha)

இடம் - வித்யா பாரதி கல்யாண மண்டபம், பீமசேனா  கார்டன் தெரு, மைலாப்பூர்.
மவுண்ட் மணி ஐயர்
(Mount Marriage Catering Services)
044- 2432 0699, 98400 24400

நாட்கள் - 15-12-2013 முதல் 02-01-2014 வரை.
காலை 7 மணி முதல் இரவு 9 மணி வரை.
மதியம் 12-3 சாப்பாடு. மற்ற நேரங்களில் டிபன் வகைகள்.

9. மியூசிக் அகாடமி (Music Academy)

நாட்கள் - 15-12-2013 முதல் 01-01-2014 வரை.
கொண்டித்தோப்பு பத்மநாபன் 
(N.Padmanabhan)
044-2520 9574
044-2520 3087
98400 33165
94444 55473
காலை 7.30 மணி முதல் மதியம்  2.30 மணி வரை.
மீண்டும் மதியம் 3.30 மணி முதல் இரவு 10.00 மணி வரை.

மதிய சாப்பாடு 10.30 - 2.00 

10. தி இந்தியன் பைன் ஆர்ட்ஸ் சொசைட்டி
(The Indian Fine Arts Society)
நாட்கள் - 18-12-2013 முதல் 05-01-2014 வரை.
வேணுஸ் கேட்டரிங் சர்விஸ், மாம்பலம் 
(Venus Catering Services)
044-4269 6302
98410 26302, 98407 16593

11. சென்னையில் திருவையாறு 
(Chennaiyil Thiruvaiyaru)
காமராஜர் அரங்கம்
உணவு திருவிழா (Food Festival) நடைபெறுகிறது.
நாட்கள் - 18-12-2013 முதல் 25-12-2013 வரை.
தீவுத் திடல் பொருட்காட்சி போல பல உணவு ஸ்டால்கள் அமைந்துள்ளன.

மைலாப்பூர் ஸ்ரீ சங்கரா கேட்டரர்ஸ், மேற்கு மாம்பலம் சம்பத் கௌரி மேரேஜ் கேட்டரிங் சர்விஸ்,  வேளச்சேரி அந்தி கடை, MSG  Kitchen, விவேகானந்தா காபி ஆகியோர் ஸ்டால் போட்டிருக்கின்றனர். இது தவிர அடையார் OrganicDepotவழங்கும்  ஆர்கானிக் பொருள்கள்  ஸ்டால் இருக்கிறது. தேனி Yazh Institute of vegetables & Fruits Carving நிறுவனத்தினர் காய்கறியை வெட்டி அழகு செய்வது குறித்து ஸ்டால் போட்டிருக்கின்றனர்.

Canteen உள்ள சபாக்களை மட்டும்தான் இங்கே கொடுத்துள்ளேன். Canteen இல்லாமல் சங்கீத கச்சேரி மட்டும் நடத்தும் இன்னும் பல சபாக்கள் சென்னையில் உண்டு. 

சில சபா கேண்டீன்கள் காலை 6 மணியிலிருந்து  இரவு 10 மணி வரை இயங்குகின்றன. இத்தகைய சபாக்களில் தலைவாழை இலை சாப்பாடும் உண்டு. இன்னும் சில சபா கேண்டீன்கள் மதியம் இரண்டு மணி வாக்கில் டிபனோடு தங்கள் கச்சேரியை துவங்குவார்கள்.

கன்னட பிராமின் உணவுகளை சுவைக்க வேண்டும் என்றால்  சென்னை கல்சுரல் அகாடமி செல்ல வேண்டும்.

நல்ல இனிப்பு வகைகளுக்கு நாரத கான சபா. சூப்பர் ஸ்டார்  ரஜினி காந்த் வீட்டு கல்யாணத்திற்கு அழைப்பிதழ் கிடைக்கப் பெறாதவர்கள், அந்த கல்யாணத்தில் பரிமாறப் பட்ட 'மால் புவா' இனிப்பை நாரத கான சபா canteen ல் சுவைக்கலாம்.

Authentic திரட்டுப் பால் சாப்பிட விரும்பினால் மியூசிக் அகாடமி செல்லலாம்.

தவல வடை, அடை, காசி ஹல்வா, அசோகா, சேப்பங்கிழங்கு பாத், கருவேப்பிலை சேவை - இப்படி பலவித உணவுகள், ஹோட்டலில் கிடைக்காத வீட்டு சமையல் சுவை, இதுதான் சபா கேண்டீன் சிறப்பு.

பிரமாண்டமான சபா கேண்டீன்கள் என்றால் மியூசிக் அகாடமி கேண்டீன், நாரத கான சபா கேண்டீன், ஸ்ரீ பார்த்தசாரதி சுவாமி சபா கேண்டீன் ஆகிய மூன்றுமே  முதலிடத்திற்கு தகுதியானவை.

இந்த மூன்று சபா கேண்டீன்களின் சிறப்பே, விசாலமான இட வசதி, ஸ்டார் ஹோட்டலுக்கு நிகரான சூழல், அதிக எண்ணிக்கையிலான டிபன் வகைகள் ஆகியவைதான். அதற்கேற்ப விலையும் அதிகம்தான்.

சபாவில் இருந்து கசிந்து வரும் மெல்லிய சங்கீதம் நம் காதை  வருட, உணவருந்தும் வசதி கிடைப்பதால் மியூசிக் அகாடமி கேண்டீன் முதல் இடத்தை தட்டிச் செல்லும்.

சபா கேண்டீன் வரலாற்றில் முக்கியமாக நாம் குறிப்பிட வேண்டியது அறுசுவை அரசு நடராஜன் சகோதரர்கள் பற்றி. நடராஜன், ஜெயராமன், கண்ணன் - இவர்கள் மூவரும் சகோதரர்கள்.

பல வருடங்கள் மியூசிக் அகாடமி கேண்டீனில் அறுசுவை அரசின் கொடிதான் பறந்தது. பின்னர் அவர் ஸ்ரீ பார்த்தசாரதி சபாவிற்கு சென்றார். அங்கே அவர் வழங்கிய தலைவாழை இலை சாப்பாடு ரசிகர்களிடம் பெரிய அளவில் ஒரு பரபரப்பையே ஏற்படுத்தியது.

அப்புறம் மவுண்ட் பேட்டன் மணி ஐயர் ஸ்ரீ பார்த்தசாரதி சபாவிற்கு வந்தார். இந்தியாவின் கவர்னர் ஜெனரல் ஆக இருந்த மவுண்ட் பேட்டன் இவர் சமைத்த உணவை விரும்பி சாப்பிட்டதால் இந்த பெயர். 

அறுசுவை அரசு நடராஜனின் சகோதரர் ஜெயராமனும் அவர் வாரிசுகளும் நாரத கான சபாவில் கேண்டீன் (ஞானாம்பிகா)  நடத்தி வருகிறார்கள். இவரது உறவினர்தான் தியாக பிரம்ம கான சபா (வாணி மஹால்)வில் கேண்டீன் நடத்துகிறார்.

அறுசுவை அரசு நடராஜனின் இன்னொரு சகோதரர் கண்ணன் ரொம்ப நாட்களாக மயிலாப்பூர் பைன் ஆர்ட்ஸ் கிளப் ல் கேண்டீன் (மீனாம்பிகா)நடத்தினார். இப்போது அவர் புதலவர் பாஸ்கர் நடத்துகிறார்.

இது முன்னுரை தான். கேண்டீன் கச்சேரிகளுக்கு நான் சென்று வந்ததும் இன்னும் பல தகவல்களுடன் உங்களை மீண்டும் சந்திப்பேன்.