கருப்பு கொண்டை கடலை சுண்டல்

கொண்டை கடலை சுண்டல் 
(மூக்கு கடலை சுண்டல்)

கொண்டை கடலை - 150 கிராம்.

பச்சை மிளகாய் - 1
வர மிளகாய் - 2
கருவேப்பிலை - சிறிது.
கடுகு
உளுத்தம் பருப்பு 
பெருங்காயம் 
உப்பு 
சீரகம் - விருப்பப்பட்டால்
தேங்காய் - விருப்பப்பட்டால்

கொண்டை கடலையை , மூழ்கும் அளவு தண்ணீர் விட்டு, அடுப்பில் வைத்து ஒரு கொதி விடவும். பிறகு, 6-7 மணி நேரம் வரை  ஊற வைக்கவும். ஊறிய பிறகு, வேக வைக்கவும். முக்கால் பதம் வெந்த பிறகு, உப்பை போட்டு தொடர்ந்து வேக விடவும். ஆரம்பத்திலேயே உப்பை போட்டால் கொண்டை கடலை நன்கு வேகாது.

நன்கு வெந்ததும், தண்ணீரை வடிக்கவும். ஒரு வாணலியில் கடுகு, உளுத்தம் பருப்பு, பெருங்காயம், வர மிளகாய் போட்டு தாளித்து கொட்டவும். பச்சை மிளகாய், கருவேப்பிலை போட்டு, நன்கு கிளறவும். 

அடுப்பிலிருந்து இறக்கி, துருவிய தேங்காய் தூவி பரிமாறவும். தேங்காயை பல்லு, பல்லாக நறுக்கியும் போடலாம்.

கொண்டை கடலையை மூக்கு கடலை என்றும் சொல்வார்கள்.

சரஸ்வதி பூஜையன்று செய்யப் படும் சுண்டல்  இது.

கொலு கொண்டாட்டம்